Санаи 13-уми ноябри соли 2024 дар факултети фалсафаи Донишгоҳи миллии Тоҷикистон бо мақсади дар сатҳи баланд таҷлил намудани 32-солагии Иҷлосияи XVI Шурои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон ҳамоиши илмӣ баргузор гардид.Дар чорабинии мазкур муовини ректор оид ба илм ва инноватсия, профессор Сафармамадзода С.М., д.и.с., профессор, узви вобастаи АМИТ Муҳаммад Абдураҳмон Наврӯз, д.и.ф. профессор, узви вобастаи АМИТ Муҳммадалӣ Музаффарӣ, декани факултети фалсафа, дотсет Сафарализода Х.Қ., дотсенти кафедраи равандҳои сиёсӣ дар Тоҷикистон Раҷабов И.Ш. суханронӣ намуда, оид ба аҳаммияти таърихии Иҷлосияи ХVI Шурои Олӣ ва хизматҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими пояҳои давлатдории миллӣ, истиқрори сулҳ, сарҷамъии миллат, таъмини ваҳдат ва раванди бунёдкорию созандагӣ дар мамлакат ибрози андеша намуданд. Зимнан такид доштанд, ки Иҷлосияи XVI Шурои Олии Ҷумҳурии Тоҷикистон 16 ноябри соли 1992 дар Қасри Арбоб дар шароити хеле мураккаби сиёсӣ ва барои миллати тоҷик сарнавиштсоз баргузор гардида, дар он муҳтарам Эмомалӣ Раҳмон аз ҷониби вакилон ба ҳайси Раиси Шурои Олии Ҷумҳурии Тоҷикистон интихоб гардиданд.
Маҳз бо баргузории ин Иҷлосияи таърихӣ дар мамлакат пояҳои давлатдорӣ тақвият ёфта, сохти конститутсионӣ барқарор шуд! Сухангуёни ин чорабинии илмӣ дар маърӯзаҳои худ корномаҳо ва ташаббусҳои созандаи Пешвои миллат муҳтарам Эмомалӣ Раҳмон ёдовар шуда, арҷгузорӣ ба ниҳоди президентиро ҳамчун масъалаи меҳварии таҷлили Рӯзи Президенти Ҷумҳурии Тоҷикистон номиданд.
