Кафедраи сиёсатшиносӣ

Таърихи ташаккули кафедраи сиёсатшиносӣ

Кафедра бо ташаббус ва кӯшишҳои собиқ ректори донишгоҳ академик Раҷабов С. А. бо фармони Вазири маорифи халқи РСС Тоҷикистон Р. Юсуфбеков аз 31 августи соли 1963 таҳти рақами 192 ташкил гардидааст. Тавассути фармони мазкур ҳайати аввалини он низ муқаррар шудааст: Раҷабов С.А. (мудири кафедра), Шарипов Я. (дотсенти кафедра), Гончарова О.П. (дотсенти кафедра), Ахунов И.Н. (муаллими калон), Азамқулов Х. ва Зайниев Н. омӯзгорони кафедра).

Дар давоми 50 сол дар кафедра устодону кормандони зиёд фаъолият намудаанд. Дар давраҳои аввал устодон С.А.Раҷабов, О.П.Литвиненко, Ӯ.С.Собиров, С.Г.Каспаров, И.Охунов ва дигарон ба таълими илмҳои иҷтимоию сиёсӣ машғул гаштанд. Аввалин мудири кабинет И.Г. Дастурӣ буд.

Дар давраҳои гуногун дар кафедра устодони зиёде меҳнат кардаанд: Абдушукурова Татяна Рашидовна, Авезбаева Раиса Гадайбаевна, Охунов Ирид Исмоилович, Беляков Гелий Евгеневич, Валитов Комил Мирмуллоевич, Дастурӣ Исмоил Ғуломович, Зайченко Вадим Моисеевич, Каримов Туйғун Боҳирович, Каспаров Сергей Григоревич, Литвиненко Олга Петровна, Маликов Маҳмуд Ҳакимович, Матқулов Неъматулло Тошкентович, Одинаев Асрор, Расулов Қурбон Расулович, Раҷабов Солӣ Ашӯрович, Саидов Ҳомид, Сатторов Имомудддин, Собиров Қодир Собирович, Соҳибназаров Ҳақназар, Усова Алла Федоровна, Фалилеев Михаил Николаевич, Шарипов Бобо Шарипович, Шарипов Яҳё Шарипович, Шоймардонов Ҳаким, Ҳасанова Шарафниссо Ҷаборовна, Ҷамолов Қаюм Насимҷонович, Аҳадов Ҷалил, Мирзоев Зокир Мирзоевич, Муминҷонов Ҳамдам Ҳомидович, Муҳаббатов Абдусалом, Ҷононов Сайдамир, Юсуфалиев Ҳамроалӣ Абдувалиевич, Шовкопляс Марина Алексеевна, Ашуралиев Муродалӣ Эмомалиевич, Шаъбонов Норалӣ Нормирзоевич, Амонова Сабоҳат, Асоев Алишер, Ҳакимова Маҳфуза ва ғайраҳо аз зумраи онҳо буданд. Ин гурӯҳи азими устодон, ки дар давраҳои гуногун дар кафедра машғули фаъолияти илмию таълимӣ ва тарбиявӣ буданд, дар айни замон дар кафедраи сиёсатшиносии ДМТ фаъолият надоранд.

Зумрае аз устодони собиқи кафедра фаъолияти пурсамари хешро дар риштаҳо ва макони гуногун, чӣ дар дохили кишвар ва чӣ дар хориҷи он идома медиҳанд. Онҳо вазифаҳои масъулро ба дӯш доранд ва донишу маҳорати худро баҳри ободии сарзамини маҳбубашон дареғ намедоранд.

Кафедра дар муддати мавҷудияташ 3 маротиба тағйири ном намудааст. Аз соли ташаккул (с.1963) то соли 1990 кафедра номи «коммунизми илмӣ» – ро дошт. Аз соли таҳсили 1991–92 дар мактабҳои олии Тоҷикистон таълими фанни сиёсатшиносӣ оғоз шуд, ки ДМТ пешоҳанги он гардид.

Самтҳои асосии корҳои тадқиқотӣ:

  • Омӯзиши проблемаҳои назария ва амалияи сиёсӣ, афкори сиёсӣ, таърих ва рушди сиёсӣ, равандҳои муосири сиёсӣ, фарҳанг ва шуури сиёсӣ, асосҳои сиёсати байналмилалӣ ва ҷаҳонӣ.Омӯзиши проблемаҳои назария ва амалияи сиёсӣ, афкори сиёсӣ, таърих ва рушди сиёсӣ, равандҳои муосири сиёсӣ, фарҳанг ва шуури сиёсӣ, асосҳои сиёсати байналмилалӣ ва ҷаҳонӣ;
  • Муайян намудани мафҳумҳо ва категорияҳои бунёдии сиёсатшиносии муосир, бахусус ташаккул ва рушди низоми демократии муосир ва зуҳури тамоюлҳои авторитарӣ дар идоракунии давлатҳои муосир, гуногунрангӣ ва гуногунҷанбаи тамоюли рушди ҷаҳони муосир, мухолифат; дар системаи чахонӣ ва ҳолатҳои моҷарогарӣ;
  • Омӯзиши равандҳои сиёсии Ҷумҳурии Тоҷикистон, динамикаи инкишоф ва такмили муносибатҳои ҷамъиятӣ, хусусиятҳои инкишофи системаҳои гуногуни сиёсӣ, зарурати дигаргуниҳои сиёсӣ дар такмили муносибатҳои ҷамъиятӣ;
  • Татбиқи таҳлили рушди сиёсӣ дар шароити муътадилгардонии муносибатҳои иҷтимоӣ, баррасӣ намудани омилњое, ки ба самаранокии системаи сиёсию маъмурӣ, ташаккули шаклҳои демократии ҳокимият, самаранокии системаи сиёсӣ ва татбиқутаъсири қарори сиёсӣ;
  • Таҳияи масъалаҳои хусусияти амалӣ, таҳлил ва пешгӯии равандҳои сиёсии Ҷумҳурии Тоҷикистон;
  • Баррасии масъалахои ташаккул ва тахаввули системаи сиёсии ҷумҳурӣ, масъалахои методологии идоракунӣ ва рушди чамъиятию сиёсии кишвар, муайян намудани технологияи системаи интихобот ва интихобот, тахлили иштироки сиёсии гуруххои гуногуни ичтимоӣ;
  • Таҳлили механизмҳои ҳокимияти давлатӣ ва робитаи он бо ҷомеаи шањрвандӣ, муайян намудани нақши мақомоти ҳокимияти маҳаллӣ ва худидоракунии маҳаллӣ дар ташаккули ҷомеаи шаҳрвандӣ;
  • Додани маълумот ба донишҷўён дар бораи таркиботи иҷтимоӣ, равандҳо ва ҳодисаҳои ҳаёти сиёсии муосир, сабабҳо, натиҷаҳо ва самтҳои онҳо, инчунин оид ба методҳои таҳлил, хулосабарорӣ ва пешгӯиҳо;
  • Гузаронидани экспертиза, машваратҳои илмию таълимӣ, семинарҳо ва конфронсҳои илмию амалӣ;
  • Таҳияи воситаҳои таълимӣ, барномаҳо ва нақшаҳои дарсҳои амалӣ, системаҳои махсуси иттилоотӣ ва базаҳои маълумотҳо барои ташаккули шуури сиёсӣ ва фарҳанги донишҷӯён;
  • Суханрониҳои мунтазам дар ВАО оид ба падидаҳо ва равандҳои сиёсии ҷаҳон, Тоҷикистон, машваратҳои сиёсӣ ва раванди қабули қарорҳои идоракунӣ.

Фаъолиятҳои таълимӣ:

Кафедра аз рӯи ихтисоси «Сиёсат ва идоракунии давлатӣ», «Менеҷменти сиёсӣ» мутахассис тайёр мекунад Тахассуси хатмкунанда – бакалавр – сиёсатшинос, магистр – сиёсатшинос.

Таълими донишҷӯёни дар асоси фанҳои сиёсӣ зерин ба роҳ монда шудааст, дар ин самт  барои зуд аз худ намудани талаботҳои илмӣ- амалӣ нигарони шудааст.Азхуд кардани фанҳои сиёсӣ аз руи ихтисос бо роҳи муқарар карда фанхои асосии кафедра бо тартиби зерин ба амал бароварда мешавад: Азхуд кардани фанҳои сиёсӣ аз руи ихтисос бо рохи дарс гуфтан аз ҷониби кафедра дар шакли сикли ба амал бароварда мешавад.

Фанҳои умумии касбӣ:

  • Сиёсатшиносӣ
  • Сиёсатшиносии амалӣ
  • Сиёсатшиносии муқоисавӣ
  • Геополитика
  • Моҷарошиносӣ
  • Давлатшиносӣ
  • Истиқлолияти сиёсӣ
  • Ҳукумати Тоҷикистон
  • Идеологияи сиёсӣ
  • Сиёсат ва муборизаи сиёсӣ
  • Сиёсат ва идоракунии давлатӣ
  • Манфиатҳои миллии Тоҷикистон
  • Асосҳои менеҷменти сиёсӣ
  • Риторика ва баҳси сиёсӣ
  • Идоракуниии зиддибуҳронӣ
  • Технологияи сиёсӣ
  • Назарияи идоракунии давлатӣ
  • Рекламаи сиёсӣ

Ҳайати устоди кафедраи сиёсатшиосӣ

Муродова Нигина Сулаймоновна
  • Вазифа: мудири кафедра
  • Дараҷаи илмӣ: доктори илмҳои сиёсӣ, дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 93-941-17-00
  • E-mail: munisu71@mail.ru

Муродова Нигина Сулаймоновна 27 январи соли 1971 дар оилаи хизматчӣ дар шаҳри Панҷакент таваллуд шудааст. Солҳои 1978-1988 дар мактаби миёнаи № 15 ба номи А. Фирдавсии шаҳри Панҷакент таҳсил намудааст. Соли 1988 ба факултети таърихи Донишгоҳи давлатии Тоҷикистон дохил гардида соли 1993 онро бо ихтисоси таърихчӣ хатм кардааст. Фаъолияти меҳнатии Муродова Н.С. соли 1993 дар мактаби миёнаи №1-и шаҳри Панҷакент ба ҳайси омӯзгори фанҳои ҷамъиятӣ оғоз шудааст. Солҳои 1994-2001 ба сифати ассистенти кафедраи фанҳои ҷамъиятии Донишгоҳи озоди Тоҷикистондар шаҳри Панҷакент фаъолият намудааст. Солҳои 1998-2002 дар шӯъбаи ғоибонаи аспирантураи Донишкадаи омӯзгории Тоҷикистон ба номи Қ.Ҷӯраев дар ихтисоси сиёсатшиносӣ таҳсил намудааст.Солҳои 2001-2005 ба сифати омӯзгори фанҳои ҷамъиятӣ дар гимназияи №53 ба номи М.Маҳмудоваи шаҳри Душанбе кор кардааст. Соли 2003 рисодаи номзадиро дар мавзӯи “Равандҳои сиёсии даврони гузариш дар Ҷумҳурии Тоҷикистон” дифоъ намуда, дараҷаи номзади илмҳои сиёсиро соҳиб гардидааст. Соли 2006 ба вазифаи роҳбари шӯъбаи муносибатҳои байналхалқии ДДЗТ ба номи С. Улуғзода таъин гардидааст.Аз соли 2007 то соли 2012 вазифаи мудири кафедраи фалсафа ва сиёсатшиносии ДДЗТ ба номи С. Улуғзода дар дӯш доштааст. Соли 2009 чун дорандаиунвони дотсенти кафедраи сиёсатшиносӣ эътироф шудааст.Солҳои 2015-2018 доктаранти ихтисоси сиёсатшиносии доктарантураи ДМТ ба ҳисоб меравад. Аз соли 2012 то айни ҳол вазифаи дотсенти кафедраи сиёсатшиносии ДМТ-ро дар уҳда дорад. Муаллифи 6 монография, зиёда аз 60 мақолаву дастурҳои таълимиву методӣ мебошад. Соли 2022 рисолаи докториро дар мавзӯи «Мушкилоти модернизатсияи сиёсӣ дар Ҷумҳурии Тоҷикистон: хусусиятҳо, шаклҳои зуҳур ва оқибатҳо» барои дарёфти дараҷаи илмии доктори илмҳои сиёсӣ аз рӯи ихтисоси 23.00.02 – Институтҳои сиёсӣ, равандҳо ва технология дифоъ кардааст. Муродова Н.С. дорандаи ифтихорномаи шӯъбаҳои маорифи шаҳри Панҷакент ва Душанбе, Вазорати илм ва маорифи Ҷумҳурии Тоҷикистон, Аълочии маорифи Ҷумҳурии Тоҷикистон аз соли 2005 мебошад. Оиладор, соҳиби ду фарзанд.

Зокиров Гулмаҳмад Нозимович
  • Вазифа: профессори кафедра
  • Дараҷаи илмӣ: доктори илмҳои сиёсӣ, дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 919-60-69-66
  • E-mail: Zokirov.1959@mail.ru

Зокиров Гулмаҳмад Нозимович  14 ноябри соли 1959 дар ноҳияи  Ленин, ҷамоати Роҳатӣ, деҳаи  Навобод таваллуд шудааст.  Дар мактаби  рақами 93, ба номи Свердлови ноҳияи  Ленин таҳсил намудааст.  Солҳои 1974-1978 дар омӯзишгоҳи педагогии Ғарм таҳсил намуда бо дипломи аъло хатм намудааст.  Соли 1978 ба Университети Давлатии Тоҷикистон ба номи В.И.Ленин ба факултети таърих дохил гардида онро соли 1983 бо дипломи  аъло хатм намуда, соҳиби ихтисоси муаррих, муаллими таърих ва ҷомеашиносӣ гардидааст. Дар солҳои 1983-1984 ба ҳайси  ассистенти кафедраи коммунизми илмии УДТ ба номи В.И. Ленин фаъолияти меҳнатии худро оғоз намудааст.   Солҳои 1984-1987 дар шӯъбаи  аспирантураи УДТ ба номи В.И. Ленин таҳсил намудааст.  Солҳои 1987-1990 ассистент ва солҳои1990-1993 ба ҳайсии дотсенти УДТ  ба номи В.И. Ленин фаъолият мекунад. Соли 1997 мудири кафедраи сиёсатшиносии ДДМТ интихоб гардид. Тавассути озмун  солҳои 2004 ва 2010 аз нав мудири кафедраи сиёсатшиносӣ интихоб гардидааст.  Аз соли 2016 профессори кафедраи сиёсатшиносии ДДМТ ба ҳисоб меравад.

Соли 1988 дар Шӯрои диссертатсионии Донишгоҳи давлатии Москва ба номи М.В. Ломоносов рисолаи номзадиро дар мавзуи «Зудҳаракатии муҳоҷирати аҳолӣ ҳамчун омили баҳамназдикшавии миллату халқиятҳо»  ва соли 1988 рисолаи докториро дар мавзӯи «Равандҳои муҳоҷиратӣ ва муносибатҳои миллӣ: масъалаҳои баҳамтаъсиррасонӣ ва махсусияти инкишоф (хосиятҳои назариявӣ ва амалию сиёсӣ)» дар Шӯрои номбурдашуда ҳимоя намудааст. Муаллифи зиёда аз 360 корҳои илмӣ, илмию оммавӣ ва таълимӣ, аз ҷумла 17 рисолаи илмӣ, 14 китоби дарсӣ, зиёда аз 100 мақолаи илмӣ, 50 воситаҳо ва барномаҳои таълимӣ мебошад. Зери роҳбарии ӯ 1 нафар рисолаи докторӣ ва 24 нафар рисолаи номзадӣ аз ихтисосҳои илмҳои сиёсӣ дифоъ намудаанд. Муҳаррири масъули 35 рисолаи илмӣ ва маводҳои таълимӣ мебошад. Ташаббускор ва яке аз асосгузорони ихтисосҳои илмҳои сиёсӣ (1998) ва факултети фалсафаи ДМТ (2003) мебошад.

Тауров Туғон
  • Вазифа: дотсенти кафедра
  • Дараҷаи илмӣ: номзади илмҳои таърих, дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 93-593-01-24
  • E-mail:

Тауров Туғон 10– уми апрели соли 1943 дар оилаи коргар ба дунё омадааст. Соли 1961 мактаби миёнаро хатм намудааст. Соли 1961 ба ба факултети таъриху филологияи шуъбаи таърихи Университети Давлатии Тоҷикистон дохил гардида, соли 1966 онро бо ихтисоси муаллими таърих ва конститутсия хатм намудааст. Аз соли 1966 то соли 1968 дар взифаи ходими калони шуъбаи методӣ ва ташкилии Управленияи Архивҳои назди Шурои Вазирони РСС Тоҷикистон кор кардааст. Дар солҳои 1968-1973 ҳамчун муаллими таърих ва иқтисоди сиёсии институти тибии ш. Душанбе ифои вазифа намудааст. Аз соли 1973 то соли 1976 аспиранти кафедраи таърихи КПСС Унмверситети Давлатии Тоҷикистон будааст. Аз соли 1976 то соли 1979 ба сифати ассистенти кафедраи таърихи КПСС факултетҳои гуманитрӣ фаъолият намудааст. Аз соли 1979 то кунун дотсентикафедраи сиёсатшиносии Донишгоҳи миллии Тоҷикистон мебошад. Номзади илмҳои таърих, муаллифи зиёда аз 50 кори илмӣ маҳсуб мешавад.

Абдулхаков Музаффар Мирзоевич
  • Вазифа: дотсенти кафедра
  • Дараҷаи илмӣ: номзади илмҳои сиёсӣ , дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 935-94-22-30
  • E-mail:muzaffar.abdulkhakov@mail.ru

Абдулхаков Музаффар Мирзоевич 15-уми майи соли 1971 дар деҳаи Қирғизони-Болои ноҳияи Ваҳдат, дар оилаи хизматчӣ таваллуд ёфтааст. Солҳои 1978-1988 мактаби миёнаи №7 ба номи П.И.Чайковскиро дар ҳамон ҷо хатм намудааст. Соли 1989 ба сафи қувваҳои мусаллаҳ даъват шуда, то соли 1991 дар сарҳади Иттифоқи Шӯравӣ ҳамчун сарҳадчӣ адои хизмат намудааст. Соли 1992 ба факултети таърихи Донишгоҳи давлатии миллии Тоҷикистон дохил шуда, онро соли 1997 бо ихтисоси муаррих, муаллими таърих ба итмом расонид. Ҳамзамон соли 1996 ба сифати таҷрибаомӯз дар мактаби миёнаи №139 ба номи А.И. Сино аз фанни таърих ба фаъолияти омӯзгорӣ машғул буд. Соли 1997 ба вазифаи ассистенти кафедраи сиёсатшиносии ДДМТ ба кор қабул гардид. Солҳои 1998-2002 ҳамчун аспиранти шуъбаи ғоибонаи ҳамин донишгоҳ фаъолияти илмӣ намуд. Баъдан, рисолаи номзадиро 7-уми октябри соли 2006 дар Донишгоҳи давлатии омӯзгории Тоҷикистон дар мавзӯи «Ҳимояи манфиатҳои миллӣ ҳамчун омили асосии давлатдорӣ» таҳти роҳбарии доктори илмҳои сиёсӣ, профессор Зокиров Г.Н. омода ва дифоъ намуд. Аз соли 2008 то соли 2017 таҳти фармон аз 03.03.2008 с. №40-6. ба сифати дотсенти кафедра фаъолият намудааст. Аз 27 апрели соли 2017 то 2022 дар вазифаи мудири кафедраи сиёсатшиносии факултети фалсафаи ДМТ кор кардааст. Зиёда аз 20 соли фаъолияти самараноки илмию таҳқиқотӣ ва таълимию методиро анҷоммедиҳад. Дар давоми фаъолияти корӣ зиёда аз 40 асару мақолаҳои илмӣ, аз ҷумла 1 монография (бо ҳаммуалифӣ) ва зиёда аз 15 воситаҳо ва барномаҳои таълимиро нашр гардонидааст.

Раҷабов Имомиддин Ширинович
  • Вазифа: дотсенти кафедра
  • Дараҷаи илмӣ: номзади илмҳои сиёсӣ , дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 904-06-21-59
  • E-mail:imomiddin.77@mail.ru

Раҷабов Имомиддин Ширинович 24-уми августисоли 1977 дар оилаи коргар таваллуд шудааст. Таҳсили мактаби миёнаро соли 1994 ба итмом расонида, худи ҳамон сол ба шуъбаи арабии факултети шарқшиносии ДДМТ дохил шуда, онро соли 2000-ум бомуваффақият хатм намудааст.Аз соли 1994 то соли 2000-ум донишҷӯйи Донишгоҳи давлвтии миллии Тоҷикистон буд. Аз соли 2001 то соли 2005 дар кафедраи сиёсатшиносии ДДМТ ба ҳайси ассистенти кафедра фаъолият бурдааст. Аз соли 2005 то соли 2014 ба сифати муаллими калони кафедраи мазкур ифои вазифа намудааст. Соли 2010 рисолаи номзадиро дар мавзӯи «Мақом ва нақши аксарият ва ақаллияти миллӣ дар сохтори давлатии Тоҷикистони муосир» бомуваффақият ҳимоя кардааст. Аз соли 2014 то ҳол ҳамчун дотсенти кафедраи сиёсатшиносӣ баромад карда, ба таълим ва тарбияи донишҷӯён, инчунин фаъолияти илмию тадқиқотӣ машғул аст.

Соли 2019 ба «Аълочии маорифи Ҷумҳурии Тоҷикистон» сарфароз гардонида шудааст. И. Ш. Раҷабов муаллифи воситаи таълимии «Риторика ва баҳси сиёсӣ», монографияи илмии «Место и роль нацбольшинства и нацменьшинства в государственном устройстве современного Таджикистана», дастури таълимӣ-методии «Идоракунии зиддибуҳронӣ (ҷиҳатҳои сиёсӣ)» ва беш аз 30 мақола ва тезисҳои илмӣ мебошад.

Холов Хуршед Қодирқулович
  • Вазифа: дотсенти кафедра
  • Дараҷаи илмӣ: номзади илмҳои сиёсӣ , дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 901-07-55-75
  • E-mail: Khurshed.Kh.K.1980@mail.ru

Холов Хуршед Қодирқулович 29-уми феврали соли 1980 дар оилаи коргар ба дунё омадааст. Соли 1998 мактаби миёнаро хатм намуда, худи ҳамон сол ба шӯъбаи сиёсатшиносии факултети таърихи ДДМТ дохил шуда, соли 2003-ум онро бо «дипломи аъло»хатм намудааст. Солҳои 2003-2005 ба сифати сардори шӯъбаи банақшагирии корҳои илмии қисми илмӣ-таҳқиқотии ДДМТ, аз соли 2005 то соли 2008 ҳамчун котиби илмии қисми илмӣ таҳқиқотии ДДМТ, аз соли 2008 то соли 2013 дар вазифаи мудири шӯъбаи корҳои тарбияи ДМТ, аз соли 2013 то соли 2017 дар вазифаи муаллими калони кафедраи сиёсатшиносии ДМТ кор ва фаъолият намудааст. Аз соли 2017 то ҳол дар вазифаи дотсенти кафедраи сиёсатшиносии ДМТ фаъолият менамояд.

Соли 2012 дар мавзуи «Хусусиятҳои хоси амнияти миллии Ҷумҳурии Тоҷикистон вобаста ба таҳдид ва хатарҳои навини олам» рисолаи номзадии худро бомуваффақият дифоъ намудааст. Доир ба мавзӯи тадқиқотии худ дар якчанд конфренсия ва семенарҳои илмӣ бо маърӯзаҳо баромад намуда, фишӯрдаи маърӯзаҳояш дар маводи конференсияҳо чоп гардидаанд. Алъон номбурдасоҳиби 37 маводи илмӣ-методӣ, аз ҷумла 1 монография, 6 дастури методӣ ва 30 мақолаи илмӣ мебошад.

Раджабов Бахтиёр Табибович
  • Вазифа: дотсенти кафедра
  • Дараҷаи илмӣ: номзади илмҳои сиёсӣ , дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 93-596-25-77
  • E-mail:

Раджабов Бахтиёр Табибович 22 феврали соли 1973 дар  оилаи коргар дар ноҳияи Файзобод таваллуд шудааст. Соли 1980 дар мактаби миёнаи ноҳия таҳсил намуда соли 1990 онро хатм кардааст. Соли 1992 Донишгоҳи давлатии Тоҷикистон ба факултети таърих ба ихтисоси фалсафа дохил шуда  онро соли 1997 хатм намудааст. Солҳои 1998-2000 ба ҳайси ассистенти кафедри сиёсатшиносии ДДТ фаъолият намудааст.  Аз соли 2000 то 2004 аспиранти шӯъбаи ғоибона, ихтисоси сиёсатшиносии ДДМТ ба шумор меравад. Солҳои 2008 то 2015  дар вазифаи муаллими калони кафедраи сиёсатшиносии ДМТ кор кардааст. Соли 2015 то ҳоло ба сифати дотсенти кафедраи сиёсатшиносии ДМТ фаъолияти омӯзгории хешро идома дода истодааст. РАҶАБОВ Бахтиёр Табибович   соли 2012 дар мавзӯи «Миллатгароӣ: моҳият ва хусусиятҳои зоҳиршавӣ» рисолаи номзадии худро бомуваффақият дифоъ намудааст. Номбурда  соҳиби 30 маводи илмӣ-методӣ, аз ҷумла 1 монография, 3 дастури методӣ ва 26 мақолаи илмӣ мебошад.

Фаъолияти меҳнатии Раҷабов Бахтиёр Табибович аз ҷониби маъмурияти Донишгоҳи миллии Тоҷикистон ва Вазорати илм ва маорифи Ҷумҳурии Тоҷикистон бо «Ифтихорнома»-ҳо қадршиносӣ гардидааст. Оиладор, соҳиби чор фарзанд.

Исаев Умедҷон Убайдуллоевич
  • Вазифа: дотсенти кафедра
  • Дараҷаи илмӣ: номзади илмҳои сиёсӣ , дотсент
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 93-519-22-09
  • E-mail: Umed-isaev@mail.ru

Исаев Умедҷон Убайдуллоевич 22 сентябри соли 1986 дар оилаи коргар таваллуд шудааст. Соли 2004 мактаби миёнаро хатм намуда худи ҳамон сол ба шӯъбаи сиёсатшиносии факултети фалсафаи ДДМТ дохил шуда, соли 2009-ум онро хатм намудааст. Аз солҳои 2009 то 2013 аспиранти шӯъбаи рӯзонаи, кафедраи сиёсатшиносии факултети фалсафаи Донишгоҳи миллии Тоҷикистон ба шумор меравад. Солҳои 2013-2017 ба ҳайси ассистенти кафедри сиёсатшиносии ДМТ фаъолият намудааст.  Аз соли 2017 то 2020  дар вазифаи муаллими калони кафедраи сиёсатшиносии ДМТ кор кардааст. Аз мохи майи соли 2020 то ҳоло ба сифати дотсенти кафедраи сиёсатшиносии ДМТ фаъолияти омӯзгории хешро идома дода истодааст.

Исаев Умедҷон Убайдуллоевич соли 2014 дар мавзӯи «Ташкилотҳои ғайриҳукуматӣ ва тағйиротҳои сиёсӣ дар Ҷумҳурии Тоҷикистон» рисолаи номзадии худро бомуваффақият дифоъ намудааст. Номбурда  соҳиби 30 маводи илмӣ-методӣ, аз ҷумла 1 монография, 3 дастури методӣ ва 26 мақолаи илмӣ мебошад. Фаъолияти меҳнатии Исаев Умедҷон Убайдуллоевич  аз ҷониби маъмурияти Донишгоҳи миллии Тоҷикистон ва Вазорати илм ва маорифи Ҷумҳурии Тоҷикистон бо «Диплом»-у «Ифтихорнома»-ҳо қадршиносӣ гардидааст. Оиладор, соҳиби се фарзанд.

Раҳимов Дилшод Қурбоналиевич
  • Вазифа: муаллими калон
  • Дараҷаи илмӣ: номзади илмҳои сиёсӣ
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 93 886 61 41
  • E-mail: Dilshod-12-12@mail.ru

Раҳимов Дилшод Қурбоналиевич 15 майи соли 1989 дар оилаи зиёӣ ба дунё омадааст. Баъди хатми мактаби миёна соли 2008 ба факултети фалсафаи Донишгоҳи давлатии миллии Тоҷикистон (ҳоло ДМТ) дохил гашта, онро соли 2013 бо ихтиссоси сиёсатшиносӣ, бо дипломи аъло хатм намудааст. Баъди хатми донишгоҳ соли 2013 ба ҳайси ассистенти кафедраи сиёсатшиносии  факултети фалсафа фаъолият намудааст. Аз соли 2018 то ҳол ба ҳайси муовини декан оид ба тарбия фаъолият дорад. Соли 2022 рисолаи номзадиашро дар мавзуи «Хосиятҳои асосии давлати миллӣ дар шароити муосир (дар мисоли Тоҷикистон) дар шурои диссертатсионии назди ДМТ аз рўйи ихтисоси 23.00.02 – ниҳодҳо, равандҳо ва технологияи сиёсӣ дифоъ намудааст. Соли 2023 бо қарори Шурои олимони Донишгоҳи миллии Тоҷикистон ба ҳайси муаллими калони кафедраи сиёсатшиносӣ интихоб гардидааст. Муаллифи 3 барномаи таълимӣ аз фанҳои «Давлатшиносӣ», «Ҳукумати Тоҷикистон», «Таърихи идоракунии давлатӣ» ва 41 мақолаҳои илмӣ-оммавӣ мебошад. Оиладор соҳиби се фарзанд.

Умаров Алишер Абдуҳаётович
  • Вазифа: муаллими калон
  • Дараҷаи илмӣ:-
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 988-588-324
  • E-mail:

Умаров Алишер Абдуҳаётович 15-уми январи соли 1981 дар оилаи зиёӣ ба дунё омадааст. Соли 1998 мактаби миёнаро хатм намудааст. Соли 2005-ум ба шӯъбаи сиёсатшиносии факултети фалсафаи Донишгоҳи миллии Тоҷикистон дохил шуда, соли 2010-ум онро хатм намудааст. Аз соли 2012 то соли 2015-ум ба сифати аспиранти кафедраи сиёсатшиносии ДМТ ва соли 2015-ум то ҳол ба ҳайси ассистенти кафедраи сиёсатшиносии ДМТ кору фаъолият мекунад. А.А. Умаров муаллифи зиёда аз 30 мақолаи илмӣ мебошад. Оиладор соҳиби ду фарзанд.

Асламзода Некрӯз
  • Вазифа: ассистенти кафедра
  • Дараҷаи илмӣ:-
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 900-27-47-87
  • E-mail: nekruz-9191@ inbox.ru

Асламзода Некрӯз 30 – юми декабри соли 1991 дар оилаи зиёӣ таваллуд шудааст. Соли 2009 мактаби миёнаро хатм намуда, соли 2010 ба шуъбаи сиёсатшиносии факултаи фалсафаи ДМТ дохил шудааст. Соли 2015 шуъбаи номбурдаро бо ихтисоси сиёсат ва идоракунии давлатӣ хатм намудааст. Аз моҳи сентябри соли 2015 инҷониб дар кафедраи сиёсатшиносии факултети фалсафаи ДМТ ба ҳайси ассистенти кафедра кору фаъолият менамояд. Асламзода Н. муаллифи зиёда аз 10  мақолаҳои илмӣ ва тезисҳо мебошад.

Мусоева Шукрона
  • Вазифа: ассистенти кафедра
  • Дараҷаи илмӣ:-
  • Суроға: ш. Душанбе, кӯчаи Буни Ҳисорак, бинои таълимии 15
  • Телефон: +(992) 88-100-16-59
  • E-mail:nazarova-1989@mail.ru

Мусоева Шукрона 06 феврали соли 1989 дар оилаи коргар ба дунё омадааст. Солҳои 1997 то 2007талабаи мактаби миёнаи №28 н. Фирдавсӣ. Соли 2007 ба шуъбаи сиёсатшиносии факултаи фалсафаи ДМТ дохил шудааст. Соли 2012 шуъбаи номбурдаро хатм намудааст. Аз 16 апрели соли 2012 дар вазифаи лаборанти кафедраи сиёсатшиносӣ ва аз 2022 то хол ба ҳайси ассистенти кафедра сиёсатшиносӣ кору фаъолият менамояд.